300-ge deiingi oqýshy sany bar mektepter IV toqsanda jumysyn ári qarai dástúrli formatta jalǵastyrady. Bul týraly Ortalyq kommýniktsiialar qyzmetinde ótken IV toqsandaǵy oqý formaty týraly brifingide aityldy, dep habarlaidy "Ult aqparat".
«III toqsanda qazaqstandyq mektepterde 2 300 000 (66%) oqýshy oqýdy dástúrli nemese aralas formatta aiaqtady. 1 100 000 (34%) oqýshy qashyqtan oqydy. IV toqsandy bastaýǵa qatysty másele Úkimet janyndaǵy vedomstvoaralyq komissiianyń otyrysynda qaralyp, keshe – 25 naýryzda elimizdiń bas sanitar dárigeriniń qaýlysy qabyldandy. IV toqsanda oqytý formaty óńir táýekeli tómen nemese ortasha aimaqtarda bolǵan jaǵdaida barlyq oqýshy mektepte aralas formatta oqýǵa kóshedi», - deidi QR Bilim jáne ǵylym vitse-ministri Sholpan Karinova.
Onyń aitýynsha, 300-ge deiingi oqýshy bar mektepter jumysyn ári qarai dástúrli formatta jalǵastyrady.
«IV toqsan formatyna aýysqan kezde 1 oqýshy – 1 kabinet printsipi saqtalyp, oqýshylardyń sany ár synypta 25-ten aspaýy kerek. Bul másele qaýlyda qarastyrylǵan. Ár pán ádettegidei 40 minýttan bolady. Oqýshylardyń bilim sapasyndaǵy olqylyqtardy toltyrý boiynsha jumys ta jalǵasady. Naýqastanyp qalǵan nemese naýqastarmen bailanysta bolǵan keibir erekshe jaǵdaida ata-ananyń ótinishi negizinde bala qashyqtan oqý formatynda qala alady», - deidi ol.
