Tórt sanattaǵy burynǵy álem chempiony amerikalyq Adrien Broner (33-4-1, 24 KO) sot sheshimimen 7 kún merzimge qamaýǵa alyndy. Buǵan sebep – 2018 jyly sottyń sheshimimen shyqqan jynystyq zorlyq-zombylyq týraly is boiynsha synaq merzimin buzýy, dep habarlaidy Clevland.com saity.
Bronerdi 2018 jyldyń qarashasynda 35 jastaǵy áiel Klivlend túngi klýbtarynyń birinde bolǵan keshte jynystyq sipatta zorlyq-zombylyq jasady dep aiyptaǵan.
2019 jyldyń sáýirinde Edrien kinásin moiyndap, eki jyl synaq merzimin aldy. Boksshy ózin aqtaý kezinde sýdiaǵa jaqynda áielimen aiyrylysyp, depressiiaǵa ushyraǵanyn jáne psihologtyń kómegine muqtaj ekenin aitqan.
Broner advokat jaldamaǵandyqtan jáne bul isti elemegendikten, sot mindettemelerdiń oryndalmaǵandyǵy týraly sheshim qabyldap, Edriennen jábirlenýshige 830 000 dollar tóleýge úkim shyǵardy.
Broner 2019 jyldyń qańtarynan bastap ringke shyǵyp júrgen joq. Sol jyly (UD 12) filippindik Menni Pakiaodan upai sany boiynsha jeńilip qalǵan bolatyn.
