QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev «Jer ýchaskelerin onlain tártipte berý» pilottyq jobasy iske qosylatynyn málim etti, dep habarlaidy "Ult aqparat".
«Biryńǵai memlekettik kadastr aqparattyq júiesi boiynsha jaqyn arada «Jer ýchaskelerin onlain tártipte berý» pilottyq jobasyn bastaimyz. Atalmysh pilottyq joba Nur-Sultan, Almaty, Atyraý jáne Aqtóbe qalalaryn qamtidy. Bul júie bizge ne beredi? Eń aldymen jer ýchaskesin berý protsedýrasy jeńildep, halyq úshin yńǵaily bola túsedi. Bul protsesterdiń kóleńkeli tustary kelmeske ketedi», - dedi Asqar Jumaǵaliev QR Tsifrlyq damý, innovatsiialar jáne aeroǵarysh ónerkásibi ministrliginiń keńeitilgen alqa májilisinde.
Ministrdiń aitýynsha pilottyq jobanyń óndiristik qoldanysyn jyl sońyna deiin júrgizý josparlanǵan.
«Ol úshin Aýyl sharýashylyǵy ministrligi men ákimdikter bul jumysqa belsendi túrde aralasýy tiis», - dedi ol.
Pilottyq jobany júzege asyrýda Asqar Jumaǵaliev otyrysqa qatysqan QR Prezidenti Ákimshiligi basshysynyń orynbasary Timýr Súleimenovten qoldaý surady.
