Prezident quttyqtaýynyń mátinin Qostanai oblysynyń ákimi Arhimed Muhambetov órt kezinde tórt balany qutqarǵan Oleg Pirogpen kezdesý kezinde oqyp berdi, dep habarlaidy QazAqparat oblys ákiminiń baspasóz qyzmetine silteme jasap.
Memleket basshysy Qasym-Jomart Toqaev «Sadovod» saiajaiynyń aýmaǵynda órt kezinde balalardy qutqaryp qalǵan Qostanai qalasyndaǵy №22 orta mektep oqýshysy Oleg Pirogtyń erligi men batyrlyǵyna alǵys aitty.
«Osyndai jasta naǵyz erlik jasadyń, esh oilanbastan balalarǵa kómekke kelip, úlken qaiǵynyń aldyn aldyń», - dep jazdy Memleket basshysy.
Qasym-Jomart Toqaev Olegtiń batyrlyq áreketi - rýhynyń beriktigi, bei-jai qaramaǵany jáne patriotizm kórinisi ekenin atap ótti.
Sonymen qatar, Oleg Pirog QR Tótenshe jaǵdailar ministrliginiń «Órtte kórsetken qaisarlyǵy úshin» medalimen, al Valentina Pirog QR TJM Alǵys hatymen marapattaldy.
«Allur» kompaniialar toby Memleket basyshysynyń úndeýin qoldap, jas batyrǵa otandyq óndiristegi Chevrolet Nexia avtokóliginiń kiltin tabys etti.
«Bizdiń Prezident qazaqstandyqtardyń osyndai batyrlyq áreketin nazardan tys qaldyrmaidy jáne únemi baǵalaidy. «Allur» kompaniiasy Memleket basshysy - Qasym-Jomart Toqaevtyń úndeýin tolyqtai qoldaidy. Qazaq jeri árdaiym uly batyrlarmen dańqqa bólenip kelgen, jáne bul jas balanyń istegen isi – naǵyz erlik, tańdanýǵa turarlyq jáne bárimizge úlgi!», - dedi «Allur» KT» AQ direktorlar keńesiniń tóraǵasy Andrei Lavrentev.
Andrei Lavrentev bul syilyqtyń Oleg Pirogtyń batyrlyq áreketin joǵary baǵalaǵan kásiporynnyń barlyq qyzmetkerleri atynan ekenin atap ótti.
Esterińizge sala keteiik, Qostanaida «Sadovod» saiajaiynda 5-synyp oqýshysy Oleg Pirog tórt balany órtten aman alyp qalǵan bolatyn.
Qostanai oblysynyń ákimi Arhimed Muhambetov balalardy órtten aman alyp qalǵan Oleg Pirogovpen kezdesip, marapattaǵan edi.
Órtten zardap shekken kópbalaly otbasyna páterdiń kiltin tabystady.
