Maǵzum Myrzaǵaliev Qazaqstannyń energetika ministri qyzmetinen bosatylǵannan keiin Jelide jazba jariialap, Prezident Qasym-Jomart Toqaevqa alǵys aitty, - dep habarlaidy Tengrinews.kz.
"Búgin men energetika ministri qyzmetindegi jumysymdy aiaqtadym. Memleket basshysyna maǵan artqan zor senimine alǵys bildiremin. Sonymen qatar, munaigaz jáne energetika salasyndaǵy áriptesterime, ardagerlerge jáne sarapshylarǵa osynaý qysqa ýaqytta birge ónimdi eńbek etkeni úshin alǵys bildiremin. Bolat Aqsholaqov - osy salada kóp jyldan beri qyzmet etip kele jatqan óz isiniń mamany. Sáttilik pen jetistik tileimin!", - dep jazdy Myrzaǵaliev Twitter-de.
Aita keteiik, energetika ministri qyzmetinde Maǵzum Myrzaǵaliev 4 ai qyzmet etti. 2022 jyldyń 11 qańtarynan bastap vedomstvony Bolat Aqsholaqov basqarady.
Eske salaiyq, Qazaqstanda gaz qymbattaýyna bailanysty jyl basynan beri mitingter boldy. Jańaózennen bastalǵan miting eldiń basqa qalalarynda jalǵasty. Al 5 qańtarda el Prezidenti Qasym-Jomart Toqaev Úkimetti otstavkaǵa jiberdi. Gaz baǵasy 50 teńge bolyp belgilendi. Al keiinirek Jańaózende gaz óńdeý zaýytynyń direktory ustalǵany habarlandy.
