Almaty oblysynyń Balqash aýdanyndaǵy Topar kólderinde balyqtardyń qyrylýy tirkeldi. Bul týraly Ekologiia, geologiia jáne tabiǵi resýrstar ministrliginiń bapasóz qyzmeti habarlady.
«2021 jylǵy 1 sáýirde Balqash-Alakól oblysaralyq basseindik balyq sharýashylyǵy inspektsiiasy áleýmettik jelilerge monitoring júrgizý barysynda Topar kólder júiesinde balyqtardyń qyrylý faktisin anyqtady. Mundaǵy sý aidyndaryn «Zagotpýshnina» JShS balyq sharýashylyǵy men «Patriot» ABQB nysandaryn baqylaýyna berilgen. Ózara is-qimyl shemasy boiynsha balyqtardyń qyrylý faktisioqiǵa anyqtalǵan sátte-aq barlyq jaýapty organdarǵa jedel habarlanǵan», - dep jazylǵan resmi málimette.
Balyqtyń qyrylý sebebin anyqtaý úshin oqiǵa ornyna Balqash-Alakól oblysaralyq balyq sharýashylyǵy basseindik inspektsiiasynyń mamandary men «Zagotpýshnina» JShS jáne «Patriot» ABQB qoryqshylyq qyzmetiniń qyzmetkerleri tekserýge shyqty.
Vedomstvo ókilderi «Balyq sharýashylyǵy ǵylymi-óndiristik ortalyǵy» JShS men Almaty oblystyq ekologiia departamentiniń, Veterinariialyq baqylaý jáne qadaǵalaý komitetiniń Almaty oblystyq aýmaqtyq inspektsiiasynyń qyzmetkerleri de sý men balyq synamalaryn alýǵa baratynyn aitady.
