Energetika vitse-ministri Jandos Nurmaǵanbetov mainerler Qytaida óndiriske tyiym salynǵannan keiin Qazaqstanǵa kóshkenin aityp, Energetika ministrligi olar qai jerde ornalasqanyn naqty túsine almai otyrǵanyn moiyndady, - dep habarlaidy Tengrinews.kz tilshisi.
"Qytai tyiym saldy - mainerler osynda kóshti. Ol naqty qai jerde ornalasqanyn da tolyqtai túsinbedik. Búkil másele osynda. Bul máseleni zertteý kerek. Sondyqtan vedomstvoaralyq top jumys istep jatyr. Bul qysqa ýaqyt ishinde tutyný jaǵynan úlken qarqyn alǵan joǵary tabysty qyzmet bolsa kerek. Al energetika salasynda birdeńe salý úshin jyldar qajet, biz júktemeni josparlaýymyz kerek. Maining jumystary, ásirese jasyryn maining júktemesi josparlanbaǵan jáne boljanbaǵan", - dedi Nurmaǵanbetov Senat otyrysynan keiin jýrnalister suraǵyna jaýap berip.
Ol Energetikalyq baqylaý komiteti jasyryn maining qyzmetin izdep jatqanyn túsindirdi.
"Olar anyqtaý úshin búkil qalany aralai almaidy. Biz energiia tasymaldaýshy kompaniialarǵa júginemiz. Biraq olar aqparat bermeidi. Bul jerde túsiný kerek másele bar: ne olardyń ózi de bilmeidi, ne bul aqparat jasyrylyp otyr. Anyqtaý kerek.
Izdep jatyrmyz. Biraq óz quzyretimiz sheginde jumys istep jatyrmyz. Munda da bári retteledi", - dep túsindirdi ol.
