Memlekettik keńesshi Erlan Qarin aldaǵy ýaqytta «Ulttyq qor — balalarǵa» jobasy aiasynda jasalatyn tólem kólemi ulǵaiatynyn jazdy.
"Memleket basshysynyń bastamalary birtindep oryndalyp jatyr. Qasym-Jomart Toqaevtyń sailaý aldyndaǵy baǵdarlamasynda aitylǵan negizgi bastamanyń biri – «Ulttyq qor – balalarǵa» jobasy is júzinde júzege asyrylyp, balalarymyzdyń esep-shotyna Ulttyq qordan tólemder túse bastady.
Qarajattyń tólený tásilderi týraly Úkimet pen Biryńǵai jinaqtaýshy zeinetaqy qorynyń ókilderi egjei-tegjei túsindirdi. Aldaǵy ýaqytta ból tólem Ulttyq qor aktivteriniń eselenýine jáne qosymsha investitsiialyq tabystyń artýyna bailanysty ulǵaiatyn bolady.
Sondai-aq keshe Májilis áielderdiń quqyqtaryn jáne balalardyń qaýipsizdigin qamtamasyz etý máseleleri jónindegi zań jobasyn jumysqa qabyldady. Bul qujatty depýtattar turmystyq zorlyq-zombylyq jáne pedofiliia úshin jaýapkershilikti kúsheitý týraly Memleket basshysynyń bastamasyna sáikes ázirlegen bolatyn", - dep jazdy Qarin.
