25 qazan – Respýblika kúnine orai Túrkistan oblystyq Jastar resýrstyq ortalyǵynyń uiymdastyrýymen Tólebi aýdanynda jastar arasynda seminar-trening ótti, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Treningtiń negizgi maqsaty – jastardy eńbek naryǵynyń qajettilikteri týraly habardar etýge baǵyttalǵan oblystyq «Samgau-Up-Shift» jobasyn túsindirý, osy joba arqyly qoldaý kórsetý.
Eki kúnge sozylǵan seminar - treningtiń birinshi kúninde jastar saiasatynyń negizgi 5 baǵyty boiynsha sóz qozǵaldy. Atap aitqanda, «Jastarǵa arnalǵan jobalardy jazý jáne basqarý» taqyrybynda QR Prezidenti janyndaǵy Memlekettik basqarý akademiiasynyń Túrkistan oblysy boiynsha filialynyń direktory Ainur Maratqyzy; «Jastar saiasatyndaǵy ózgeristerdi talqylaý» taqyrybynda «Jastar qyzmetkerleri» qoǵamdastyǵynyń eksperti Symbat Abdrahmanova; «Áleýmettik kásipkerlik baǵytyn damytý» taqyrybynda «Táýelsizdik urpaqtary» jobasynyń jeńimpazy, inkliýzivti fitnes ortalyǵynyń negizin qalaýshy, QR Prezidenti janyndaǵy jastar keńesiniń múshesi Dinara Naýmova oi qozǵady. «Jastardyń kóshbasshylyq qabiletin arttyrý» boiynsha «Jastar qyzmetkerleri» qoǵamdastyǵynyń treneri Keńshilik Sabyrjan; «Jastar isi boiynsha tiimdi aqparattandyrý tásilderin qoldaný» taqyrybynda PR, koých, media trener Kúlaman Beibigúl óz bilgenin úiretti.
Jiynǵa Túrkistan oblysy qoǵamdyq damý basqarmasynyń «Jastar resýrstyq ortalyǵy» KMM-niń basshysy Erasyl Tólebaev moderator boldy.
Trening barysynda jastar erkin oi almasty. Alǵashqy kúni jastarǵa joba jazýǵa ýaqyt berildi. Al ekinshi kúni kvest oiyndary uiymdastyrylyp, jastar eksperttermen birge joba jazyp, sátti qorǵady. Eń tańdaýly jobalar marapattaldy. Úzdik tanylǵan jobalarǵa qarjylai syilyqtar berildi.
Is-shara «Talanttardan tartý» sazdy keshimen jalǵasyn tapty.
