Almatyda tolassyz jaýǵan jańbyrdan kóshelerdi sý basty. Turǵyndar áleýmettik jelide videolaryn bólisip jatyr, - dep habarlaidy Tengrinews.kz.
24 maýsymda saǵat 14:30 shamasynda qalada nóser bastaldy. Jaýyn jarty saǵattai jaýdy. Saldarynan kólikter men ǵimarattar zardap shekti.
Kýágerlerdiń aitýynsha, Altynsarin dańǵyly men Jandosov kóshesi qiylysynda avtobýs órtengen.
Naýryzbai aýdanynda turǵyn úi keshenderiniń biriniń aýlasyn sý basqan.
Navoi men Rysqulbekov kósheleri qiylysyndaǵy joldy da sý basyp, kólik qozǵalysy qiyndady.
Qalanyń kei jerlerin sý basyp, turǵyndar sý keshýge májbúr boldy.
