Almatyda tolassyz jaýǵan jaýynnan kóshelerdi sý basty, dep habarlaidy QazAqparat tilshisi.
Sý astynda qalǵan kóshelerdegi kórinisti turǵyndar sýretke, videoǵa túsirip, áleýmettik jelige salyp jatyr.
Tańǵa jýyq bastalǵan jańbyr áli de tolassyz jaýyp tur.
Aǵyn sýlar aryqtan asyp trotýarlarǵa jaiylyp jatyr. Ásirese kópirlerdiń asty men sailarda sý tizege jetip qaldy.
Jaiaý júrginshilerdiń kópshiligi sý keship júr. Qalanyń biraz ýchaskesinde qozǵaltqyshyna sý tigen kólikter toqtap tur.
«Qazgidromet» RMK boljaýynsha, búgin túnde aýa temperatýrasy +11 gradýsqa deiin túspek. Jaýyn-shashyn erteń de jalǵasýy múmkin. Ashyq kún raiy 11 qyrkúiek kúni ǵana kútiledi.
Qalalyq Tótenshe jaǵdailar departamenti sinoptikterdiń eskertýine bailanysty habarlandyrý taratyp jatyr. «10-11 qyrkúiek aralyǵynda Almaty qalasyna jaqyn ornalasqan aýmaqtarda nóserli jańbyrdyń boljanýyna bailanysty, kei jerlerde qatty aǵyndar qalyptasyp, taý ózenderinde sý deńgeii kóterilýi múmkin», - delingen habarlamada
