Tanymal ánshi Toqtar Serikovtiń anasy dúnieden ótti. Qaraly habardy Instagram paraqshasynda Sáken Maiǵaziev jetkizip, dosyna kóńil aitty.
"Toqtar dosym, Alla anamyzdyń aldynan jarylqasyn. Sizderdei altyn asyqtai uldar, inabatty qyzdar tárbielegen aiaýly anymyzǵa Firdaýs jánnát násip bolǵai. Isi qazaq qaiǵyńa ortaq. Bekem bol, Toqabai", - dep jazǵan Sáken Maiǵaziev.
Osy rette Toqtar Serikovtiń jary Beibit Seidýálieva da paraqshasynda qara sýret jariialaǵan. Ánshiniń oqyrmandary qara jamylǵan otbasyǵa kóńil aityp, qaiǵylaryna ortaqtasqan.
"Imandy bolsyn... ókinishti. Anańyzdy keremet qurmetteitin edińiz, ár qazaqtyń uly sizdei bolsyn", "Anańyzdyń jany jannatta bolsyn. Toqtar myrza sizge, týystaryńyzǵa Alla sabyr bersin", "Átteń-ai... Janymyz jabyrqap qaldy. Bekem bolyńyzdar. Alla aldynan jarylqasyn", - dep jelidegiler kóńil aitýda.
Osy oraida, Ult portalynyń ujymy kóneniń kózi bolǵan, elge qadirli altyn qursaq anamyz Marýsia Nazarbekqyzynyń mezgilsiz dúnieden ozýyna bailanysty otbasy men týǵan-týystaryna qaiǵyryp kóńil aitady.
Marqumnyń jatqan jeri jaily, topyraǵy torqa bolsyn. Peiishte nury shalqyp, Jaratqan artyndaǵy urpaǵyna uzaq ǵumyr bersin!
