Búgin Japoniia astanasy Tokioda ótetin 2020 jylǵy Olimpiada oiyndarynyń alaýy tanystyryldy, dep habarlaidy Ulttyq olimpiada komiteti.
Jazǵy oiyndardyń alaýy sakýra sekildi bezendirilgen. Bekitilgen tujyrymdama boiynsha, árbir «japyraqtan» bólek ot tutanyp, sońynda bári birtutas alaýǵa ainalady.
Alaýdyń salmaǵy 1,2 kelige jýyqtaidy, biiktigi - 71 santimetr. Alaýdy daiyndaý kezinde 2011 jyldyń 11 naýryzynda Japoniianyń soltústik-shyǵysynda jer silkinisi men tsýnamiden zardap shekkenderge ýaqytsha soǵylǵan úilerdegi mys qoldanylǵan.
2020 jylǵy Tokio Olimpiadasynyń alaýy dástúr boiynsha Grekiiada jaǵylady. Jeti kúnnen soń Kúnshyǵys eline jetetin alaý estafetasy 26 naýryzda bastalady.
