بٷگٸن جاپونييا استاناسى توكيودا ٶتەتٸن 2020 جىلعى وليمپيادا ويىندارىنىڭ الاۋى تانىستىرىلدى, دەپ حابارلايدى ۇلتتىق وليمپيادا كوميتەتٸ.
جازعى ويىنداردىڭ الاۋى ساكۋرا سەكٸلدٸ بەزەندٸرٸلگەن. بەكٸتٸلگەن تۇجىرىمداما بويىنشا, ەربٸر «جاپىراقتان» بٶلەك وت تۇتانىپ, سوڭىندا بەرٸ بٸرتۇتاس الاۋعا اينالادى.
الاۋدىڭ سالماعى 1,2 كەلٸگە جۋىقتايدى, بيٸكتٸگٸ - 71 سانتيمەتر. الاۋدى دايىنداۋ كەزٸندە 2011 جىلدىڭ 11 ناۋرىزىندا جاپونييانىڭ سولتٷستٸك-شىعىسىندا جەر سٸلكٸنٸسٸ مەن تسۋناميدەن زارداپ شەككەندەرگە ۋاقىتشا سوعىلعان ٷيلەردەگٸ مىس قولدانىلعان.
2020 جىلعى توكيو وليمپياداسىنىڭ الاۋى دەستٷر بويىنشا گرەكييادا جاعىلادى. جەتٸ كٷننەن سوڭ كٷنشىعىس ەلٸنە جەتەتٸن الاۋ ەستافەتاسى 26 ناۋرىزدا باستالادى.
