Tokioda ótetin Olimpiada jáne Paralimpiada uiymdastyrýshylary jýrnalisterge marapattaý rásiminde paidalanylatyn qaita óńdelgen plastikten jasalǵan tuǵyrlardy kórsetti. Bul týraly Kyodo agenttigi habarlady.
Bul tuǵyrlar qaita óńdelgen bótelkelerden, sonymen qatar teńizden shyǵarylǵan plastik qoqystardan ázirlendi. Budan bólek, Olimpiada jáne Paralimpiada oiyndaryndaǵy tuǵyrlarǵa ornatylǵan emblemalardy jasaýda 2011 jyly bolǵan jer silkinisi kezinde qulaǵan turǵyn úilerden qalǵan aliýminii paidalanylǵan. Osy materialdardyń arqasynda uiymdastyrýshylar «turaqty ómir súrý» qaǵidasyn júzege asyrdy. Bul, sonymen qatar, Tokioda ótetin oiyndardyń tujyrymdamalarynyń biri, dep atap ótedi Kiodo.
Aita ketsek, Olimpiadalyq oiyndar 2021 jyldyń 23 shildesi men 8 tamyzy aralyǵynda ótedi, al Paralimpiadalyq oiyndar - 24 tamyz ben 5 qyrkúiek aralyǵynda.
