Tokyo 2020 Olimpiadasy direktorlar keńesiniń múshesi Harýiýki Takahasi eger COVID-19 pandemiiasyna bailanysty jaǵdai jaqsarmasa, Olimpiada oiyndary taǵy da keiinge shegeriletinin málimdedi. Bul týraly "Ult aqparat" Japan Times-qa silteme jasap habarlaidy.
Eske sala keteiik, biylǵy jyldyń naýryz aiynda Japoniia úkimeti men Halyqaralyq olimpiada komiteti kelesi aida ótýi tiis bolǵan Olimpiada oiyndaryn 2021 jylǵa shegerý týraly buryn-sońdy bolmaǵan sheshim qabyldady.
Nikkan Sports japon gazetiniń habarlaýynsha, HOK prezidenti Tomas Bah kelesi jyly jarys ótpese, Olimpiada oiyndaryn toqtatý kerek ekenin aitqan. Biraq Takahasi bul Japoniia men álem ekonomikasyna úlken shyǵyn kelgenin habarlady.
«Japoniia men álem ekonomikasy odan qatty zardap shegedi», - dedi Takahasi. Ol Oiyndy toqtatpas buryn taǵy da keiinge shegerý máselesin qarastyrý qajet ekenin aitty.
Juma kúni uiymdastyrý komitetiniń atqarýshy keńesiniń otyrysynda Tokio 2020 prezidenti Iosiro Mori HOK-men Olimpiada oiyndaryn ótkizbeý týraly másele talqylanbaǵanyn málimdedi.
Beijińde Qysqy Olimpiada oiyndaryn jáne fýtboldan 2020 jyly Álem chempionatyn ótkizýge bailanysty Tokio Oiyndarynyń odan ári keiinge qalýy búkilálemdik sporttyq is-sharalardyń kóptiginen odan da úlken máseleler týdyrady.
Eske sala keteiik, Tokiodaǵy Olimpiada 2020 jyldyń 24 shildesinen 9 tamyzyna deiin ótýi tiis bolǵan. Alaida pandemiiaǵa bailanysty jarys kelesi jylǵa aýystyryldy. 2021 jyldyń 23 shildesinen 8 tamyzyna deiin ótpek. «Tokio-2020» degen ataý saqtalyp qalady.
