Dál qazirgi esep boiynsha qazaq sportshylary sporttyń 16 túrinen Tokio Olimpiadasyna 35 joldama jeńip aldy, dep habarlaidy "Ult aqparat".
Eń kóp litsenziia boksshylardyń enshisinde. Atap aitar bolsaq, búgin Iordaniianyń Amman qalasynda ótip jatqan bokstan Olimpiadaǵa irikteý týrnirinde erler quramasy - 5, áielder boksynan el qorjynyna 1, jalpy sany 6 joldama tústi.
Ekinshi oryndardy erkin kúres balýandary men sadaq atýshylar ózara bólisip tur. Atalǵan sport túrlerinen tórt-tórtten barlyǵy 8 joldama bar.
Úshinshi orynda 3 joldamaǵa ielik etken jeńil atletter men tasjoldaǵy velosportta synǵa túsetin sportshylar tur.
Al júzý sportynan - 2, grek-rim kúresinen - 2, áielder kúresinen 2 litsenziia buiyrǵan bolsa, qazirgi bessaiystan taǵy 2 joldamamyz bar.
Kelesi sport túrlerinen ázirge Olimpiadaǵa bir-birden joldama enshiledik - ashyq sýda júzý, sinhrondy júzý, sporttyq quzǵa órmeleý, sporttyq gimnastika, stend atý, nysana kózdeý, karate.
Aita keteiik, Iordaniianyń Amman qalasynda ótip jatqan bokstan Olimpiadaǵa irikteý týrniri áli aiaqtalǵan joq. Demek, boksshylarymyz joldamalar sanyn áli de arttyrady degen úmittemiz.
