دەل قازٸرگٸ ەسەپ بويىنشا قازاق سپورتشىلارى سپورتتىڭ 16 تٷرٸنەن توكيو وليمپياداسىنا 35 جولداما جەڭٸپ الدى, دەپ حابارلايدى "ۇلت اقپارات".
ەڭ كٶپ ليتسەنزييا بوكسشىلاردىڭ ەنشٸسٸندە. اتاپ ايتار بولساق, بٷگٸن يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە ەرلەر قۇراماسى - 5, ەيەلدەر بوكسىنان ەل قورجىنىنا 1, جالپى سانى 6 جولداما تٷستٸ.
ەكٸنشٸ ورىنداردى ەركٸن كٷرەس بالۋاندارى مەن ساداق اتۋشىلار ٶزارا بٶلٸسٸپ تۇر. اتالعان سپورت تٷرلەرٸنەن تٶرت-تٶرتتەن بارلىعى 8 جولداما بار.
ٷشٸنشٸ ورىندا 3 جولداماعا يەلٸك ەتكەن جەڭٸل اتلەتتەر مەن تاسجولداعى ۆەلوسپورتتا سىنعا تٷسەتٸن سپورتشىلار تۇر.
ال جٷزۋ سپورتىنان - 2, گرەك-ريم كٷرەسٸنەن - 2, ەيەلدەر كٷرەسٸنەن 2 ليتسەنزييا بۇيىرعان بولسا, قازٸرگٸ بەسسايىستان تاعى 2 جولدامامىز بار.
كەلەسٸ سپورت تٷرلەرٸنەن ەزٸرگە وليمپياداعا بٸر-بٸردەن جولداما ەنشٸلەدٸك - اشىق سۋدا جٷزۋ, سينحروندى جٷزۋ, سپورتتىق قۇزعا ٶرمەلەۋ, سپورتتىق گيمناستيكا, ستەند اتۋ, نىسانا كٶزدەۋ, كاراتە.
ايتا كەتەيٸك, يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸ ەلٸ اياقتالعان جوق. دەمەك, بوكسشىلارىمىز جولدامالار سانىن ەلٸ دە ارتتىرادى دەگەن ٷمٸتتەمٸز.
