Tokio-2020 Olimpiada oiyndarynyń bastalýyna týra 300 kún qaldy, dep habarlaidy "Ult aqparat".
Keler jyldyń 24 shildesinde kúni bastalyp, 9 tamyzynda máresine jetetin HHHII Jazǵy Olimpiada oiyndaryna Qazaqstan sportshylary qansha joldama jeńip alǵanyn bir sholyp ótkendi jón kórdik.
2020 jylǵy Olimpiadaǵa álemniń barlyq memleketinen 11 090 sportshy qatysady dep josparlanǵan. Olimpiada oiyndarynda 33 sport túrinen 339 medal jiyntyǵy sarapqa salynady.
Búgingi tańda sporttyń barlyq túri boiynsha 2020 jylǵy oiyndarǵa irikteý kezeńi bastalyp ketti. Dál qazirgi ýaqytta Qazaqstan qorjynynda sporttyń 10 túrinen 20 joldama bar.
Atap aitar bolsaq, kúres túrlerinen Astanada ótken álem birinshiligine deiin qazaqstandyq sportshylar arasynda ashyq sýda júzýden - 1, jeńil atletikadan - 2, velosporttan - 1, basseinde júzýden - 2, sadaq atýdan - 4, sporttyq quzǵa órmeleýden - 1 joldama jeńip aldy.
Al elorda tórinde kúres túrlerinen ótken álemdik doda sportshylarymyzǵa 8 joldama syilady. Naqtyraq aita ketsek, grek-rim kúresi sheberleri 2 joldamaǵa ielik etse, áielder kúresiniń balýandary da 2 joldamany jeńip aldy. Al erkin kúres sheberleri bolsa, tórt salmaq túrinen joldamaǵa ie boldy.
Sonymen, ázirge Olimpiadaǵa 20 joldamamyz bar. Alda sportshylarymyzdy áli de kóptegen litsenziialyq jarystar kútip tur. Negizgi Olimpiada oiyndarynyń joldamasy sarapqa salynatyn dodalar kelesi jyldyń basynda bastalady. Sondyqtan, aldaǵy ýaqytta bul sandar kórsetkishi eselene beredi degen úmittemiz.
