© Photo: Sait holdinga "Baiterek"
"Báiterek" ulttyq holdingi basqarma tóraǵasynyń birinshi orynbasary Qanysh Izbastin qyzmetinen bosatyldy, dep habarlaidy Sputnik Qazaqstan.
"2022 jyldyń 14 qańtarynan bastap "Báiterek" UBH" AQ basqarma tóraǵasynyń birinshi orynbasary Qanysh Izbastin memlekettik qyzmetke aýysýyna bailanysty óz ótinishi boiynsha qyzmetinen bosatyldy", - delingen holding saitynda.
40 jastaǵy Qanysh Izbastin 2021 jyldyń naýryzynda "Báiterek" holdingi basqarma tóraǵasynyń birinshi orynbasary bolyp taǵaiyndaldy.
2015 jyldyń qyrkúieginen 2021 jyldyń naýryzyna deiin "QazAgroQarjy" AQ basqarma tóraǵasy boldy.
2013-2015 jyldary – "Samuryq-Qazyna" Ulttyq ál-aýqat qory" AQ basqarýshy direktory.
2012 jyly – "KazEksportGarant" eksporttyq-kredittik saqtandyrý korporatsiiasy" AQ basqarma tóraǵasy.
2007 jyldan bastap "QDB-Lizing" AQ basqarma tóraǵasynyń birinshi orynbasary, keiin osy aktsionerlik qoǵamnyń basqarma tóraǵasy boldy.
Qanysh Izbastin – Qazaqstan Prezidenti Qasym-Jomart Toqaevtyń jieni. Anasy Qarlyǵa Izbastina – Memleket basshysynyń týǵan baýyry.
"Báiterek" holdingi – biriktirilgen damý institýty, onyń quramyna enshiles uiymdar – "Qazaqstannyń Damý Banki" AQ, "Otbasy bank" turǵyn úi qurylys jinaq banki" AQ, "Damý" KDQ" AQ, "Qazaqstan turǵyn úi kompaniiasy" AQ, "Kazakh Export" ESK" AQ, "Qazyna Kapital Menedjment" AQ, "Agrarlyq nesie korporatsiiasy" AQ, "QazAgroQarjy" AQ kiredi.
"Báiterek" UBH" AQ-nyń jalǵyz aktsioneri – Qazaqstan Úkimeti.
