Foto: Afm_rk
Prezident Qasym-Jomart Toqaev Almatydan Qonaev qalasyna kóshirý josparlanǵan «Baǵanashyl» balalar úiiniń jaǵdaiymen tanysyp, bul nysandy ońtústik astananyń balansyna berýdi tapsyrdy, dep habarlaidy Ult.kz prezidenttiń baspasóz hatshysy Rýslan Jeldibaiǵa silteme jasap.
Hatshy memleket basshysy Almaty qalasynyń ákimi Darhan Satybaldyǵa balalar úiinde jóndeý jumystaryn júrgizýdi jáne tárbielenýshilerdiń Almatyda bilim alýyn jalǵastyrýyn qamtamasyz etýdi mindettegenin jazdy.
Prezidenttiń naqty tapsyrmasyna sáikes, balalar úii kóshirilmeidi.
Memleket basshysy bul jaǵdaiǵa bailanysty Prezident Ákimshiligi tarapynan qyzmettik tekseris júrgiziletinin málimdedi. Sonymen qatar, ata-anasynyń qamqorlyǵynsyz qalǵan balalardyń barlyq quqyǵy zań aiasynda tolyq qorǵalatyny atap ótildi.
