Soldan ońǵa qarai ministrler Qarabaev, Qýantyrov, Sátqaliev. Foto: gov.kz
Úkimet kýlýarynda jýrnalister ministrlerge demalysqa shyǵý jospary týraly suraq qoidy, - dep habarlaidy Tengrinews.kz saity.
Atap aitqanda, Indýstriia jáne infraqurylymdyq damý ministri Marat Qarabaev jospar boiynsha demalysqa shyqpaq.
"Demalysqa jalpy jospar boiynsha baramyn, Premer-ministrmen kelisilgen. Jylytý maýsymy boiynsha ortalyq memlekettik organ, atap aitqanda Indýstriia jáne infraqurylymdyq damý ministrligi daiyndyq úshin barlyq qajetti jumystardy jasady", - dep jaýap berdi Qarabaev.
Al Ulttyq ekonomika ministri Álibek Qýantyrov qyzmetine kiriskeli, iaǵni 2022 jyldyń qańtarynan beri eńbek demalysyna shyqpaǵan. Onyń aitýynsha, bul joly da shyqpaidy.
"Ázirge biyl demalysqa shyǵý oiym joq. Byltyr da barǵan joqpyn", - dedi ministr.
Energetika ministri Almasadam Sátqaliev ta jaqyn arada eńbek demalysyna shyqpaidy. Bul túsinikti: ol buryn ózi aitqandai, Qazaqstan qalalaryndaǵy jylýmen qamtý nysandaryn aralaidy.
"Men de áli demalysqa shyqpaimyn. Qandai da bir kesteni Úkimet bekitedi", - dep jaýap berdi sheneýnik.
Aita keteiik, keshe Memleket basshysy Qasym-Jomart Toqaev elordany damytý máseleleri jónindegi keńeste jylytý maýsymyna daiyndyqty qysqa deiin aiaqtaýdy tapsyrǵan edi.
«Ákimdik qyzmetkerleri, ásirese basshylyq osy jazda demalysqa shyqpaýy kerek. Qazir 2-3 apta demalysqa ketseńizder, muny diversiia dep esepteńizder. Jumys kóp. Kúni-túni jumys isteý kerek», - dedi Prezident.
