Memleket basshysy «Samuryq-Qazyna» AQ basqarma tóraǵasy Almasadam Sátqalievti qabyldady, dep habarlaidy Aqorda.
Qasym-Jomart Toqaevqa «Samuryq-Qazyna» aktsionerlik qoǵamynyń biylǵy atqarǵan qyzmetiniń negizgi óndiristik kórsetkishteri men qarjylyq qorytyndylary týraly esep berildi.
Almasadam Sátqalievtiń aitýynsha, qordyń biylǵy tabysy 10,5 trillion teńge bolady dep boljanyp otyr.
Bul - josparly kórsetkishten 22 paiyz joǵary.
Buǵan munai baǵasynyń kóterilýi, júk tasymaly men tranzit kóleminiń ulǵaiýy, sondai-aq elektr qýatyn óndirý jáne taratý kórsetkishteriniń artýy negizgi faktor boldy.
Sonymen qatar Memleket basshysyna áleýmettik jáne infraqurylymdyq nysandardy qarjylandyrýǵa qatysty tapsyrmalarynyń oryndalýy jóninde málimet berildi.
Atap aitqanda, gazben jáne sýmen qamtý, kólik jáne energetika salalaryndaǵy 11 basym jobanyń iske asyrylý barysy týraly baiandaldy.
Qordy basqarý keńesi jobalardy maquldap, Memleket basshysynyń Joldaýyn júzege asyrý jónindegi Jalpyulttyq is-sharalar josparyna engizdi.
