Qazaqstan Prezidenti Qarjylyq monitoring agenttiginiń tóraǵasy Janat Elimanovty qabyldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaevqa Agenttiktiń kóleńkeli ekonomikaǵa, qarjylyq piramidalarǵa jáne elden kapitaldy jylystatýǵa qarsy kúres salasyndaǵy jumystardyń nátijesi týraly baiandaldy.
Memleket basshysyna berilgen derekterge sáikes jyl basynan beri 727 ekonomikalyq quqyqbuzýshylyq anyqtalǵan jáne 67 milliard teńgeniń shyǵyny ótelgen.
Prezidentke adal bizneske jasalatyn qysymdy joiý jónindegi tapsyrmasynyń oryndalý barysy týraly málimet berildi. Atap aitqanda, Janat Elimanov quqyq qorǵaý organdaryna tán isterdi jalpy qozǵaý tájiribesi joiylǵanyn málimdedi. Onyń aitýynsha, qazirgi ýaqytta tirkeletin qylmystardyń sany jyl saiyn azaiyp kele jatqany baiqalady. Tergeý amaldarynyń merzimi - 3 ese, aqtaý belgileri boiynsha toqtatylǵan ister sany úshten birge qysqarǵan. Nátijesinde, myńdaǵan azamat pen kásipkerler qylmystyq qýdalaý aiasynan shyǵaryldy. Sondai-aq sottarǵa júginetin adamdardyń sany da aitarlyqtai azaiǵan.
Kezdesý sońynda Qasym-Jomart Toqaev kásipkerlerdiń quqyqtaryn múltiksiz qorǵaý qajet ekenine mán berip, Agenttik basshysyna birqatar tapsyrma berdi.
