Prezident Qasym-Jomart Toqaev jumys saparymen Sankt-Peterbýrgke bardy. Bul týraly Memleket basshysynyń baspasóz hatshysy Facebook-paraqshasynda jazdy, - dep habarlaidy "Ult aqparat".
Onyń aitýynsha, Prezident Sankt-Peterbýrgke Táýelsiz Memleketter Dostastyǵyna múshe memleket basshylarynyń dástúrli beiresmi kezdesýine qatysý úshin barǵan.
"Kezdesý barysynda TMD-ǵa múshe memleketterdiń basshylary Dostastyq aiasynda atqarylǵan birlesken jumystardyń qorytyndylaryn, kópjaqty yqpaldastyqty damytýdyń jáne Uiym qyzmetiniń tiimdiligin arttyrýdyń perspektivalaryn talqylaidy. Sondai-aq halyqaralyq jáne aimaqtyq kún tártibindegi ózekti máselelerdi qarastyrý josparlanyp otyr", - dep jazdy Berik Ýáli.
