Serik Jumanǵarin Básekelestikti qorǵaý jáne damytý agenttiginiń tóraǵasy bolyp taǵaiyndaldy, dep habarlaidy Aqorda.
"Serik Maqashuly Jumanǵarin Qazaqstan Respýblikasynyń Básekelestikti qorǵaý jáne damytý agenttiginiń tóraǵasy bolyp taǵaiyndalsyn", - delingen habarlamada.
Prezident halyqqa Joldaýynda básekelestikti damytý men qorǵaý boiynsha myqty ári táýelsiz organ qajet ekenin aitqan bolatyn. Osyǵan bailanysty Qasym-Jomart Toqaev tikelei Prezidentke baǵynatyn básekelestikti damytý jáne qorǵaý agenttigin qurýdy tapsyrdy.
Aita keteiik, Serik Jumanǵarin 1969 jyly týǵan. Máskeý energetika institýtyn jáne Bóketov atyndaǵy Qazaq memlekettik ýniversitetin támamdady. 2013 jyly Halyqaralyq biznes akademiiasynda magistr dárejesin aldy.
