Foto: Akorda.kz
Memleket basshysy Ekologiia jáne tabiǵi resýrstar ministri Erlan Nysanbaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Qasym-Jomart Toqaev jańa ekologiialyq zańnamany júzege asyrýǵa jáne tabiǵi resýrstardy saqtaýǵa qatysty birqatar tapsyrma berdi.
Prezident Iri kásiporyndardyń shyǵaryndylaryn azaitý jónindegi jospardyń iske asyrylýyn, sondai-aq osy nysandardaǵy shyǵaryndylarǵa monitoring jasaý úshin avtomattandyrylǵan júie engizý isin erekshe baqylaýǵa alýdy tapsyrdy.
Memleket basshysy ministrlikke qarasty vedomstvolyq uiymdardyń materialdyq-tehnikalyq bazasyn jaqsartý jáne ulttyq parkterdegi orman órtiniń oshaqtaryn erte anyqtaý júielerin tezirek engizý, sondai-aq orman sharýashylyǵy qyzmetkerleriniń biliktiligin arttyrý jóninde júieli sharalar qabyldaý qajettigin atap ótti.
Sonymen qatar Qasym-Jomart Toqaev aǵash otyrǵyzýǵa qatysty aýqymdy baǵdarlamany júzege asyrý jáne retsiz paida bolǵan qoqys poligondary máselesin sheshýdiń keshendi tásilderin ázirleý mańyzdy ekenine nazar aýdardy.
