Prezident Qasym-Jomart Toqaev Jambyl oblysyndaǵy áskeri bólimdegi jarylysqa bailanysty óziniń Twitter-degi paraqshasynda jazba qaldyrdy.
«Órt saldaryn joiý jumystary jalǵasyp jatyr. Qutqarýshylar, áskeri qyzmetshiler, dárigerler jáne jumyldyrylǵan barlyq adamdar belsendi jumys atqarýda. Ókinishke qarai, zardap shekkender sany artyp keledi. Biraq, jaǵdai baqylaýda. Taraz qalasy men aýyl turǵyndary sabyrly ári saq bolýy kerek», - dep jazdy Memleket basshysy.
Aita keteiik, búgin saǵat shamamen 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, jarylys boldy.
Jaralystan zardap shekkender sany 66 adamǵa jetti. Olardyń kóbi - jeńil jaraqat alǵandar, tek 2 adamnyń ǵana jaǵdaiy aýyr.
