Foto: Akorda.kz
Prezident Qasym-Jomart Toqaevtyń tóraǵalyǵymen zańsyz iemdenilgen aktivterdi qaitarý máselesi jóninde keńes ótti, dep habarlaidy "Ult aqparat" Aqordanyń baspasóz qyzmetine silteme jasap.
Jiynǵa Premer-Ministr Álihan Smaiylov, Prezident Ákimshiliginiń Basshysy Oljas Bektenov, Ulttyq qaýipsizdik komitetiniń tóraǵasy Ermek Saǵymbaev, Premer-Ministrdiń orynbasary – Syrtqy ister ministri Murat Nurtileý jáne Bas prokýratýranyń basshylyǵy qatysty.
Memleket basshysyna keńestiń kún tártibindegi másele boiynsha qabyldanyp jatqan sharalar men buǵan deiin berilgen tapsyrmalardyń oryndalý nátijeleri týraly baiandaldy.
Qasym-Jomart Toqaev áleýmettik ádildikti qalpyna keltirýge jáne memleketke qaitarylǵan aktivterdi elimizdi damytý úshin paidalanýǵa baǵyttalǵan bul jumystyń mańyzdylyǵyn atap ótti.
Memleket basshysy osy iske jumyldyrylǵan barlyq memlekettik qurylymdardyń jumysyn jandandyrý qajet ekenin aitty.
Jiyn sońynda Prezident birqatar naqty tapsyrma berdi.
