Qasym-Jomart Toqaev Qazaqstan Prezidentiniń Is Basqarmasy Meditsinalyq ortalyǵynyń aýrýhanasyna baryp, jańa nysandary - Iadrolyq meditsina ortalyǵy men emdik-diagnostikalyq blokpen tanysty, - dep habarlaidy "Ult aqparat" Aqordaǵa silteme jasap.
Memleket basshysyna aldymen qyrkúiek aiynda ashylatyn Iadrolyq meditsina ortalyǵynyń diagnostika blogy tanystyryldy. Iadrolyq meditsina ortalyǵynyń iske qosylǵan kezde diagnozyn qoiý qiyn qaterli isik aýrýlaryn, sondai-aq kardiologiia jáne nevrologiia aýrýlaryn erte kezeńinde anyqtaidy. Zamanaýi jabdyqtarmen qamtamasyz etilgen jańa ortalyqtyń qyzmeti – emdelýge joldama berilgen árbir qazaqstandyqqa ortaq.
Bul ortalyqtyń ereksheligi – qazirgi kezde álemdik meditsina indýstriiasynda qoljetimdi pozitrondy emissiialyq kompiýter tomografiiasy. Skanerleý jyldamdyǵy joǵary bul apparat diagnoz qoiý sapasyn arttyrady. PET/KT zertteýinen ótetin patsientterdiń sanyn jylyna 3 myńnan 7 myńǵa deiin arttyrady. Mamandardyń aitýynsha, qazirgi ýaqytta bul apparattyń Ortalyq Aziia men TMD elderinde balamasy joq.
Qasym-Jomart Toqaevqa tsiklotrondy-óndiristik keshen men diagnostikalyq bloktan turatyn biregei Iadrolyq meditsina ortalyǵynyń basqa da múmkindikteri týraly baiandaldy. Atap aitqanda tsiklotrondy keshen arqyly 9 radiofarmpreparat óndirisine jol ashylmaq. Qazaqstanda bul preparattardyń segizi buryn óndirilmegen.
Sonymen qatar Memleket basshysy jańa emdeý-diagnostikalyq blokty aralap kórdi. Bul jerde kúrdeli aýrýlarǵa shaldyqqan naýqastardy emdeý men ońaltýdyń tásilderi arqyly 7 terapiialyq bólimshe jumys isteidi.
Prezident dárigerlermen jáne ǵalymdarmen pikirlesip, Iadrolyq meditsina ortalyǵynyń qyzmeti búkil elimiz úshin aitýly oqiǵa bolatynyn atap ótti. Qasym-Jomart Toqaev ortalyq qyzmeti azamattardyń densaýlyǵyn jaqsartýǵa jáne qazaqstandyqtar úshin zamanaýi meditsinalyq tehnologiialardyń qoljetimdiligin arttyrýǵa qyzmet etetinine senetinin jetkizdi.
