Foto: Akorda.kz
Memleket basshysy Qasym-Jomart Toqaev Prezident Vo Van Thyongty jáne Vetnam halqyn ulttyq merekesi – Táýelsizdik kúnimen quttyqtady, dep habarlaidy "Ult aqparat" Aqordanyń baspasóz qyzmetine silteme jasap.
– Biz shynaiy dostyq pen tabysty saiasi dialogqa negizdelgen Vetnam Sotsialistik Respýblikasymen aradaǵy konstrýktivti seriktestikti joǵary baǵalaimyz. Jýyrda Hanoida Qazaqstan-Vetnam qatynastarynyń barlyq baǵyty boiynsha ótken ashyq ári mazmundy talqylaýlarymyzdy erekshe eske alamyn, – dep jazylǵan jedelhatta.
Qasym-Jomart Toqaev ekijaqty yntymaqtastyqty odan ári nyǵaitýǵa daiyn ekenin rastap, Vetnam basshysynyń igi bastamalaryna tabys tiledi.
