Foto: Akorda.kz
Prezident Qasym-Jomart Toqaev Vetnam Sotsialistik Respýblikasyna resmi sapary aiasynda Vetnam Kommýnistik partiiasy Ortalyq komitetiniń Bas hatshysy Ngýen Fý Chongpen kezdesý ótkizdi. Áńgimelesý barysynda qazaq-vetnam kún tártibindegi ózekti máseleler qarastyryldy, dep habarlaidy "Ult aqparat" Aqordanyń resmi saityna silteme jasap.
Memleket basshysynyń aitýynsha, qazaq halqy vetnam halqy men eldiń jetistikterine zor qurmetpen qaraidy. Sondai-aq Qasym-Jomart Toqaev óz saparynyń negizgi maqsattarynyń biri barlyq saladaǵy yntymaqtastyqqa, sonyń ishinde ekonomikalyq qatynastarǵa tyń serpin berý ekenin jetkizdi. Prezident eki eldiń kópjaqty bailanystaryn nyǵaitý úshin birlesken jumystardy belsendi júrgizýge daiyn ekenine toqtaldy. Sonymen qatar Qazaqstanda júrgizilip jatqan aýqymdy saiasi jáne ekonomikalyq ózgerister týraly aitty.
Óz kezeginde Vetnam Kommýnistik partiiasy Ortalyq komitetiniń Bas hatshysy Ngýen Fý Chong Qazaqstan men Vetnam arasynda berik dostyq pen ortaq qundylyqtarǵa negizdelgen tyǵyz ári úilesimdi qatynas ornaǵanyn atap ótti. Sondai-aq Vetnam halqy jáne jeke ózi Qazaqstan men onyń halqyna árdaiym erekshe qurmetpen qaraitynyn jetkizdi.
