Ulttyq qoǵamdyq senim keńesiniń 6-otyrysynda QR Prezidenti Qasym-Jomart Toqaev Úkimetke Uly kóshtiń bastalýyna jol ashqan datany ataýly kúnder kúntizbesine qosý máselesin qarastyrýdy tapsyrdy, dep habarlaidy QazAqparat.
«Barshańyzǵa málim, qandastarymyzdyń óz atajurtyna oralý máselesi týraly Tuńǵysh Prezidentimiz birqatar mańyzdy tarihi sheshim qabyldaǵan edi. Uly kósh 1991 jyly bastaldy. Buǵan Elbasynyń tapsyrmasymen Qazaq KSR Ministrler kabineti qabyldaǵan №711 qaýly resmi túrde jol ashty. Bul qujat 1991 jylǵy 18 qarashada qabyldandy. Kóp uzamai Elbasy «Alysta júrgen aǵaiynǵa aq tilek» atty Joldaýyn jariialap, shettegi qandastarymyzdy elge shaqyrdy»- dedi Qasym-Jomart Toqaev.
Memleket basshysy sonyń nátijesinde 1,5 mln-nan astam qazaq tarihi otanyna oralǵanyn atap ótti.
«Búginde olar egemen elimizdi órkendetýge óz úlesin qosýda. Solardyń ishinde Aýyt Muqibek jáne taǵy basqa qoǵam qairatkerleri Uly kóshtiń tarihi rólin eskerip, arnaiy kún belgileý qajettigin aityp júr. Úkimetke osy tarihi datany ataýly kúnder kúntizbesine qosý máselesin jan-jaqty qarastyryp, tiisti usynys engizýdi tapsyramyn», - dedi QR Prezidenti.
