Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Ekonomika jáne biznes

Toqaev Úkimetke Resei naryǵynan ketken kompaniialarǵa qatysty tapsyrma berdi

Ult portaly
Toqaev Úkimetke Resei naryǵynan ketken kompaniialarǵa qatysty tapsyrma berdi

Foto:elements.envato.com

Prezident Qasym-Jomart Toqaev Úkimetke Resei naryǵynan ketken shetel kompaniialarynyń Qazaqstanǵa kelýi úshin qolaily jaǵdai jasaýdy tapsyrdy, - dep habarlaidy Tengrinews.kz.

Memleket basshysynyń aitýynsha, Qazaqstan investitsiialyq kapital úshin jahandyq kúrestiń kýási bolyp otyr.

"1 400-ge jýyq iri shetel kompaniiasynyń árbir ekinshisi qyzmetin toqtatty nemese Resei naryǵynan tolyq ketti. Úkimet olardyń Qazaqstanǵa kelýi úshin qolaily jaǵdai jasaýy kerek. Bul bizge orta jáne joǵarǵy shekti taýarlar óndirisin arttyrý úshin jaqsy múmkindik beredi", - dedi Prezident Úkimettiń keńeitilgen otyrysynda.

Qasym-Jomart Toqaev Úkimetke óńdeý ónerkásibi salasyndaǵy investitsiialyq jobalar birlestigin daiyndaý jáne ony áleýetti investorlarmen pysyqtaý jónindegi tapsyrmasyn eske saldy.

"Bul jumys áli de kezdesýler men keńesýler túrinde júrip jatyr. Áli nátijesin aityp, maqtanýǵa erte. Jańa jobalar joq. Taǵy da atap ótkim keletini - jobalar, eń aldymen, óńirlerde, jergilikti jerlerde iske asyrylyp jatyr. Túpkilikti nátijege jetkizý úshin ákimderden suranys ministrliktermen birdei bolady", - dedi Prezident.

Oqi otyryńyz