Memleket basshysy Qazaqstanǵa jumys saparymen kelgen Túrkiianyń Syrtqy ister ministri Mevliýt Chavýshoǵlýmen onlain kezdesý ótkizdi, dep habarlaidy Aqorda.
Áńgime barysynda olar saýda-ekonomikalyq, investitsiialyq jáne mádeni-gýmanitarlyq yntymaqtastyqty odan ári nyǵaitýǵa mán bere otyryp, qazaq-túrik strategiialyq seriktestiginiń damý perspektivalaryn talqylady.
Qazaqstan kóshbasshysy Túrkiia Prezidenti Rejep Taiip Erdoǵanǵa júrekjardy sálemin joldap, ony Qazaqstanǵa saparmen osy jyly kelýge shaqyrǵanyn taǵy da naqtylady.
Sapar merzimi diplomatiialyq kanaldar arqyly pysyqtalady.
Memleket basshysy kelesi aptada Nur-Sultanda ótetin Qazaqstan men Túrkiianyń Saýda-ekonomikalyq yntymaqtastyq jónindegi memleketaralyq komissiiasynyń XII otyrysy ózara tiimdi seriktestikti odan ári damytýǵa yqpal etetinin aitty.
Qasym-Jomart Toqaev túrik kompaniialary qatysatyn birlesken jobalarǵa Qazaqstan Úkimeti tarapynan qoldaý kórsetiletinin rastady.
Mevliýt Chavýshoǵlý kezdesýge múmkindik bergeni úshin Qazaqstan Prezidentine alǵys aitty.
Sondai-aq ministr qańtar oqiǵasy kezinde bolǵan qaiǵyly jaǵdailarǵa bailanysty kóńil aityp, Qasym-Jomart Toqaevqa Rejep Taiip Erdoǵannyń sálemin jetkizdi.
Túrik diplomaty Qazaqstan Prezidentiniń basshylyǵymen júzege asyrylyp jatqan saiasi jáne ekonomikalyq reformalardy Túrkiianyń tolyq qoldaityny jóninde aitty.
