28 jeltoqsanda Qazaqstan Prezidenti Qasym-Jomart Toqaev TMD-ǵa múshe memleket basshylarynyń beiresmi kezdesýine qatysý úshin Sankt-Peterbýrgke jumys saparymen barady, dep habarlaidy "Ult aqparat" Memleket basshysynyń baspasóz hatshysy Berik Ýálige silteme jasap.
«TMD basshylarynyń Jańa jyl qarsańynda ótkizetin osyndai formattaǵy kezdesýi dástúrge ainaldy. Jiyn barysynda Dostastyq aiasynda atqarylǵan birlesken jumystardyń qorytyndylary, kópjaqty yqpaldastyqty damytýdyń perspektivalary jáne Uiym qyzmetiniń tiimdiligin arttyrý máseleleri talqylanbaq. Sonymen qatar halyqaralyq jáne aimaqtyq kún tártibiniń ózekti máseleleri qarastyrylady dep josparlanýda», - dep jazdy Berik Ýáli Facebook-tegi paraqshasynda.
