Memleket basshysy Qasym-Jomart Toqaev Qazaqstanda terroristik shabýyl daiyndalǵanyn rastaityn dálelderdi álemdik qoǵamdastyq sotyna usynatynyn aitty, - dep habarlaidy Tengrinews.kz tilshisi.
"Jýyq arada, aldyn ala tergeýler aiaqtalǵannan keiin, biz álemdik qoǵamdastyq sotyna elimizge qarsy júrgizilgen terroristik shabýyl daiyndyǵy men ony júrgizýge qatysty qosymsha dálelder usynamyz. BUU, EQYU, ShYU, AÓSShK, sondai-aq halyqaralyq gýmanitarlyq uiymdar qaskóilerdiń, terroristerdiń, qylmyskerlerdiń zańsyz áreketteriniń tolyq ári ádil tergelýine múddeli ekenine senimdimin", - dedi Toqaev.
Sonymen qatar, Memleket basshysy asyǵys tujyrym jasaýdyń qajeti joq ekenin aitty. Toqaev Qazaqstan bul qiyn kezeńdi jeńip shyǵatynyna sengenderge alǵys bildirdi.
"Qazaqstan óziniń jańa tarihyndaǵy eń qiyn kezeńdi eńseredi dep o basta senim artqandardyń bárine alǵys aitamyn. Bul, ásirese, UQShU-ǵa qatysty. UQShU-nyń Qazaqstandaǵy bitimgerlik áleýetin yqpaldasa otyryp, barynsha qaýipsiz, tiimdi ári qysqa merzimge paidalanatynymyzǵa senimdimin", - dedi Toqaev.
