Qazaqstan Respýblikasynyń Prezidenti – Qarýly Kúshterdiń Joǵarǵy Bas qolbasshysy Qasym-Jomart Toqaevtyń basshylyǵymen Qorǵanys ministrliginde memlekettik organdardyń birinshi basshylarynyń qatysýymen strategiialyq komandalyq-shtabtyq oqý-jattyǵýlary ótti, dep habarlaidy "Ult aqparat" Aqordaǵa silteme jasap.
Memleket basshysyna oqý-jattyǵýlardyń negizgi mindetteri men kezeńderi týraly málimet berildi. Atalǵan oqý-jattyǵýlary qazirgi syn-qaterlerdi eskere otyryp, Qazaqstan Respýblikasynyń qorǵanys júiesi men áskeri qaýipsizdigin saqtaý maqsatynda vedomstvoaralyq is-qimyldardy nyǵaitýǵa baǵyttalǵan.
Oqý-jattyǵý barysynda elimizge tónetin syrtqy qaterlerdi boldyrmaý úshin áskeri jáne áskeri emes sipattaǵy memlekettik sharalardy júzege asyrý máseleleri pysyqtaldy.
Memleket basshysy áskeri qaýipsizdik salasyndaǵy normativtik-quqyqtyq aktilerdi jetildirý, sondai-aq, qorǵanys júiesi aldyndaǵy mindetterdi sheshý úshin memlekettik organdardy daiyndaý sharalaryn jolǵa qoiý jóninde birqatar tapsyrma berdi.
Oqý-jattyǵý sońynda Qasym-Jomart Toqaev ózderiniń áskeri boryshtaryn atqarý kezinde qaza tapqan Qazaqstan armiiasynyń sarbazdary men ofitserleriniń rýhyna taǵzym etti.
