Memleket basshysy Qasym-Jomart Toqaev Stenford ýniversitetiniń professory Frensis Fýkýiamamen kezdesý ótkizdi, dep habarlaidy Aqorda.
Memleket basshysy halyqaralyq qatynastar salasyndaǵy belgili amerikandyq sarapshy, Stenford ýniversitetiniń professory Frensis Fýkýiamamen beine bailanys arqyly kezdesý ótkizdi.
Taraptar álemdik damýdyń zamanaýi úrdisterin jáne koronavirýstan keiingi kezeńde geosaiasat tártibin jańǵyrtýdyń keleshegin talqylady.
Sondai-aq COVID-19 pandemiiasynan jinaqtalǵan tájiribeni eskere otyryp, álemdik ekonomikanyń tehnologiialyq tártibin ózgertýdiń negizgi faktorlary jáne halyqaralyq bailanystardyń ózgerýin ózektendirý máseleleri talqylandy.
Prezident amerikalyq ǵalymǵa Qazaqstanda júrgizilip jatqan reformalar, elimizdiń syrtqy saiasattaǵy negizgi basymdyqtary, sonyń ishinde, Ortalyq Aziia aimaǵyna qatysty ustanymdary týraly aitty.
Qasym-Jomart Toqaev áńgimelesý sońynda epidemiologiialyq jaǵdai jaqsarǵannan keiin Frensis Fýkýiamany Qazaqstanǵa kelýge shaqyrdy. Professor óz kezeginde Memleket basshysyna kezdesý úshin alǵys bildirip, bolashaqta halyqaralyq saiasattyń ózekti máseleleri boiynsha ózara tabysty yntymaqtastyq ornatatynyna senim bildirdi.
***
Anyqtama: Frensis Fýkýiama – politologiianyń qurmetti professory, Mosbaher institýtynyń Demokratiia, damý jáne quqyq ústemdigi máseleleri ortalyǵynyń direktory, Stenford ýniversitetiniń F.Spoli atyndaǵy Halyqaralyq zertteýler institýtynyń aǵa ǵylymi qyzmetkeri. Birqatar irgeli zertteý jumystary toptamasynyń jáne álemniń jetekshi basylymdarynda jariialanǵan ǵylymi maqalalardyń avtory. Sondai-aq bedeldi Foreign Policy jýrnaly ony birneshe ret Álemniń úzdik 100 oishylynyń tizimine engizgen
