Qasym-Jomart Toqaev «Astana Club» halyqaralyq pikirtalas alańyna qatysý úshin Nur-Sultan qalasyna kelgen Sloveniianyń burynǵy Prezidenti Danilo Tiýrkpen kezdesý ótkizdi, dep habarlaidy "Ult aqparat" Aqordaǵa silteme jasap.
Taraptar BUU-nyń damý jaǵdaiyn talqylap, halyqaralyq kún tártibindegi ózekti máseleler jóninde pikir almasty. Barlyq salalar boiynsha, atap aitqanda, ekonomikalyq baǵyttaǵy kópjaqty yntymaqtastyqty nyǵaitý qajettigi sóz boldy.
Sloveniialyq saiasatker 2020 jyldyń maýsym aiynda Nur-Sultan qalasynda ótetin Dúniejúzilik saýda uiymynyń Ministrler konferentsiiasy tabysty bolatynyna senim bildirip, Qazaqstannyń kópjaqty bailanystarda, onyń ishinde, saýda jáne beibitshilik pen qaýipsizdikti qamtamasyz etý máselelerinde belsendi ról atqaratynyn jetkizdi.
