QR Prezidenti Qasym-Jomart Toqaev QR Energetika ministrligi men Úkimetke Soltústik Qazaqstan oblysyn gazdandyrý boiynsha usynystar engizýdi tapsyrdy. Bul týraly QazAqparat Aqordanyń Twitter-degi paraqshasyna silteme jasap habarlaidy.
«Soltústik Qazaqstan oblysy úshin gazdandyrý máselesi ózekti bolyp tur. Munyń ekonomikalyq jáne ekologiialyq aspektileri bar. Energetika ministrligi men Úkimet ákimdikpen birge oblysty gazdandyrýdyń túrli joldaryn egjei-tegjeili pysyqtap, Prezident ákimshiligine usynys engizýi tiis», - dedi Memleket basshysy.
Eske sala ketsek, Memleket basshysy Qasym-Jomart Toqaev jumys saparymen Soltústik Qazaqstan oblysyn aralap júr. Memleket basshysy oblystyń birqatar aýyl sharýashylyǵy men indýstriialyq nysandaryn aralady. Sondai-aq, agroónerkásip keshenin damytý máseleleri jóninde respýblikalyq keńes ótkizdi.
