قر پرەزيدەنتٸ قاسىم-جومارت توقاەۆ قر ەنەرگەتيكا مينيسترلٸگٸ مەن ٷكٸمەتكە سولتٷستٸك قازاقستان وبلىسىن گازداندىرۋ بويىنشا ۇسىنىستار ەنگٸزۋدٸ تاپسىردى. بۇل تۋرالى قازاقپارات اقوردانىڭ Twitter-دەگٸ پاراقشاسىنا سٸلتەمە جاساپ حابارلايدى.
«سولتٷستٸك قازاقستان وبلىسى ٷشٸن گازداندىرۋ مەسەلەسٸ ٶزەكتٸ بولىپ تۇر. مۇنىڭ ەكونوميكالىق جەنە ەكولوگييالىق اسپەكتٸلەرٸ بار. ەنەرگەتيكا مينيسترلٸگٸ مەن ٷكٸمەت ەكٸمدٸكپەن بٸرگە وبلىستى گازداندىرۋدىڭ تٷرلٸ جولدارىن ەگجەي-تەگجەيلٸ پىسىقتاپ, پرەزيدەنت ەكٸمشٸلٸگٸنە ۇسىنىس ەنگٸزۋٸ تيٸس», - دەدٸ مەملەكەت باسشىسى.
ەسكە سالا كەتسەك, مەملەكەت باسشىسى قاسىم-جومارت توقاەۆ جۇمىس ساپارىمەن سولتٷستٸك قازاقستان وبلىسىن ارالاپ جٷر. مەملەكەت باسشىسى وبلىستىڭ بٸرقاتار اۋىل شارۋاشىلىعى مەن يندۋسترييالىق نىساندارىن ارالادى. سونداي-اق, اگروٶنەركەسٸپ كەشەنٸن دامىتۋ مەسەلەلەرٸ جٶنٸندە رەسپۋبليكالىق كەڭەس ٶتكٸزدٸ.
