Memleket basshysy Qasym-Jomart Toqaev jas álem chempiony Malika Ziiadinge quttyqtaý hatyn joldady, - dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev FIDE-niń eń jas chempiony atanǵan Malika Ziiadindi quttyqtady.
"Jeti jasqa deiingi búldirshinder arasynda ótken saiysta joǵary deńgeide óner kórsetip, eki birdei ataqty ielenýiń – Qazaqstannyń shahmat tarihynda buryn-sońdy bolmaǵan jetistik. Sen týma talantyń men jeńiske degen erik-jigerińniń arqasynda osyndai biik belesti baǵyndyrdyń. Óziń izin basyp kele jatqan qazaqstandyq shahmat sheberleriniń dańqty jolyn laiyqty jalǵastyratynyńa kámil senemin", - dep jazylǵan Prezidenttiń quttyqtaý hatynda.
Memleket basshysy Malika Ziiadinniń árdaiym jeńis tuǵyrynan kórinýine tilektestik bildirdi.
