Memleket basshysy Resei Federatsiiasynyń Qazaqstandaǵy elshisi Aleksei Borodavkindi qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan men Reseidiń strategiialyq seriktestiginiń qazirgi ahýaly men damý perspektivalary talqylandy.
Qasym-Jomart Toqaev ekijaqty qatynastardyń damý qarqynyna oń baǵa berip, yqpaldastyqtyń barlyq baǵyty boiynsha, atap aitqanda, saýda-ekonomika, investitsiia, ónerkásip jáne mádeni-gýmanitarlyq salalarynda ilgerileý baiqalatynyn atap ótti.
Aleksei Borodavkin joǵary deńgeide qol jetkizilgen ýaǵdalastyqtardyń oryndalý barysy, sondai-aq, elshiliktiń eki memleket arasyndaǵy yntymaqtastyqty nyǵaitý baǵytynda atqaryp jatqan qyzmeti týraly málimet berdi.
