Memleket basshysy Qasym-Jomart Toqaev Qazaqstan Respýblikasy Prezidentiniń Teleradiokesheniniń jańa apparattyq-stýdiia keshenin aralap kórdi, dep jazdy Berik Ýáli Facebook-tegi paraqshasynda.
«Biyl Qazaqstan Respýblikasy Prezidentiniń Teleradiokeshenine 25 jyl. Búgin Memleket basshysy Qasym-Jomart Toqaev TRK-nyń jańa apparattyq-stýdiia keshenin aralap kórip, ujymdy mereitoiymen quttyqtady. Prezident Teleradiokesheni jumysynyń negizgi nátijelerimen tanysty. Shirek ǵasyr ishinde onyń qyzmetkerleri 800 derekti film túsirgen. 2019 jyldyń 20 naýryzynan beri Memleket basshysynyń qyzmeti týraly 600 saǵattyq videotúsirilim jasalyp, 56 derekti film, 450 videorolik daiyndalǵan. Kóptegen videomaterialdar Telegram jáne YouTube áleýmettik jelilerine júktelgen« dep jazdy ol.
Berik Ýálidiń keltirgen deregine sai, Prezidenttiń Teleradiokesheni Qazaqstan Táýelsizdiginiń 30 jyldyǵyna orai «Abaidyń qara sózderi» jáne «Qýatty óńirler – qýatty Qazaqstan» derekti filmder tsiklyn túsirýdi josparlap otyr.
Sondai-aq, Prezident Teleradiokeshenniń ujymyna el ómirindegi asa mańyzdy oqiǵalardy jedel ári sapaly jariialap kórsetkeni úshin rizashylyǵyn bildirdi.
«Qasym-Jomart Toqaevqa «Aqorda» rezidentsiiasynda ornatylǵan UHD (4K) apparattyq-stýdiia kesheni tanystyryldy. Bul keshen joǵary sapaly videotúsirilim jasaýǵa múmkindik beredi. Memleket basshysy Teleradiokeshenniń ujymyna el ómirindegi asa mańyzdy oqiǵalardy jedel ári sapaly jariialap kórsetkeni úshin rizashylyǵyn bildirip, TRK qyzmetkerlerine jańa shyǵarmashylyq tabys tiledi» dep jazylǵan habarlamada.
