Arnaiy júrgizilgen saýalnamalar qorytyndysyna sensek, Qazaqstan halqy elorda ataýynyń ózgerýi týraly sheshimdi oń qabyldaǵan. Suralǵandardyń 42%-y Elbasy esiminiń máńgilik tarih betterinde qattalyp, astanamyzben birge jasai berýine qarsy emes. Sondai-aq, respondentterdiń 40%-y Qasym-Jomart Kemeluly Toqaevty Memleket basshysy qyzmetine laiyq birden-bir senimdi kandidat retinde qarastyryp otyr. Bul týraly zakon.kz saity jazdy.
Saýalnamaǵa Astana, Almaty, Shymkent syndy iri qalalar men 14 oblys ortalyǵynan 1813 adam qatysty. Suraqtarǵa jaýap bergenderdiń 75%-y áielder qaýymy bolsa, 25%-y - er azamattar. Suhbat 29-30 naýryz aralyǵynda, iaǵni eki kún boiy telefon arqyly júrgizilgen.
Qazaqstandyqtar (suralǵandardyń 87%-y) Elbasynyń Prezident retindegi eleýli eńbegin laiyqty baǵalap, sońǵy saiasi oqiǵalarǵa oń kózqaras tanytqan. Onyń óz erkimen oryn bosatqanyn respondentterdiń 44%-y ýaqytyly jáne qurmetke laiyq kóregen sheshim dep esepteidi.
Aqordadaǵy bilik tabystaý protsesin, sondai-aq Nazarbaevtyń basshylyqtan ketýin otandastarymyzdyń 44 %-y qoldaǵan. 23%-y bul jaǵdaidyń bolǵanyna áli de sene almai, túsiniksiz kúige túsip, bolashaqtan ne kúterin bilmeitin bop shyqty. Al, 16%-y saiasi tranzitke beitarap qarap, basqarýshy bilik de-fakto Elbasynyń qolynda qaldy dep esepteidi. Azamattardyń 12%-y Nursultan Nazarbaev sońyna deiin óz ornynda qalýy tiis dep oilasa, 4%-y áldeqashan ornyn bosatýy kerek edi dep biledi.
Jalpy alǵanda, Nazarbaevtyń Prezident retindegi eńbegin eresek tulǵalar, iaki aǵa býyn joǵary baǵalap otyr. Saýalnamaǵa qatysqandardyń arasynda 60 jastan joǵary azamattardyń 90%-y onyń qyzmeti men qairatkerligin laiyq baǵalasa, 30-39 jas aralyǵyndaǵy respondentterdiń 82%-y dál osyndai peiil tanytqan.
Qorytyndy eseptemede, el azamattarynyń Nazarbaevtyń qandai eńbekterin asa joǵary baǵalaityny da kórsetilgen. Nátijesinde, olardyń 50%-y beibit ómirimiz ben aspanymyzdyń ashyqtyǵyna shúkirshilik etip, alǵystaryn bildirgen. Tiisinshe, olar memleketimizdegi ultaralyq tatýlyqty saqtai bilgenin - Tuńǵysh Prezidenttiń basty jetistigi dep sanaidy.
Suralǵandardyń 40%-y Elbasynyń táýelsiz Qazaqstandy aiaqqa turǵyzyp, ony damyǵan 50 eldiń qataryna qosqanyn - joǵary baǵa men qurmet-qoshemetke ábden laiyq is dep biledi.
Sondai-aq jurtshylyq Memleket basshysy retinde qyzmetke kirisken Qasym-Jomart Toqaevqa kózqarasyn bildirip, tiisti baǵasyn bergen. Respondentterdiń 40%-y Qasym-Jomart Kemelulyn Prezident bolýǵa laiyq birden-bir senimdi kandidat retinde kórse, 5%-y ǵana shúbáli.
Budan bólek, jaýap bergenderdiń kóp bóligi Astana ataýynyń Nur-Sultan bop ózgerýin qoldaǵan. Olardyń 42%-y "Tolyqtai qoldaimyn, Tuńǵysh Prezidenttiń esimi tarih paraqtarynda máńgilikke bederleýine tiis" deidi. 35%-y teris pikir ustanady. Oǵan sebep - "bul is memlekettik shyǵandardyń kóbeiýine ákep soqtyrady" degen oi. Al, 24%-y ózgeristerge asa mán bermei, selqos qaraityn bop shyqty.
Naqty derekterge súiensek, aimaqtar arasynda elorda ataýynyń ózgerýine qarsylyq tanytqandardyń kóbi - astana turǵyndary, iaki bul 28% qoldaýshydan bólek, 48% - teris pikirdi ustanatyndar. Jańa ataýǵa kóńili tolmaityndardyń arasynda Atyraý halqy da kósh bastap tur: 48%-ǵa qarsy 28%. Al, Almaty turǵyndarynyń 41%-y qoldaý bildirip, 39%-y Astana ataýynyń ózgermegenin qalaǵan.
Elimizdiń soltústik jáne batys óńirleri turǵyndarynyń edáýir bóligi astanamyzǵa qatysty jańa bastamany quptamaǵan. Kerisinshe, ońtústik jurtshylyǵy Astananyń Nur-Sultan bop ózgerýin qoldaǵan.
Saýalnama qatysýshylarynyń 43%-y Qasym-Jomart Kemelulynyń alǵashqy kezeńdegi basty mindetteriniń biri - Nazarbaev usynyp, bastapqy nátijeleri áldeqashan kórinip úlgergen memlekettiń áleýmettik baǵdarlamalaryn ońtailandyrý ám júzege asyrý jumystaryn jalǵastyrý. Al, 20%-y áleýmettik jobalardyń kóbeiýýi kerek dep esepteidi. Korrýptsiiaǵa qarsy kúres - ekinshi orynǵa qoiylǵan. Ony respondentterdiń 24%-y qoldap otyr. Sondai-aq, jaýap bergenderdiń 12%-y shaǵyn jáne orta biznesti qolǵa alyp, naqty istermen ainalysý kerek dep sanaidy.
Ult portaly
