Memleket basshysy Ózbekstan Prezidenti Shavkat Mirziioevpen telefon arqyly sóilesti, dep habarlaidy "Ult aqparat" Aqordaǵa silteme jasap.
Áńgimelesý barysynda memleketter basshylary ekijaqty kún tártibindegi barlyq baǵyt boiynsha Qazaqstan men Ózbekstannyń strategiialyq seriktestigin odan ári damytý máseleleri jóninde pikir almasty.
Kezdesýde saýda-ekonomikalyq yntymaqtastyqty arttyrýǵa, investitsiialyq yqpaldastyqty nyǵaitýǵa, sondai-aq ónerkásip, mashina jasaý, kólik jáne logistika, aýyl sharýashylyǵy jáne basqa da salalardaǵy birlesken jobalardy júzege asyrýǵa basymdyq berildi.
Qazaqstan men Ózbekstan arasyndaǵy kópjaqty qatynastarǵa tyń serpin berý maqsatynda taraptar Prezident Shavkat Mirziioevtiń Qazaqstanǵa memlekettik saparyn jyl sońyna deiin uiymdastyrý jóninde ýaǵdalastyqqa qol jetkizdi.
Osyǵan bailanysty eki eldiń úkimetterine aldaǵy kelissózderdiń joǵary deńgeide júrgizilýin qamtamasyz etýge tapsyrma berildi.
