Foto: Akorda.kz
Prezident Qasym-Jomart Toqaev Niý-Iork qalasyna jumys sapary aiasynda Ortalyq Aziia men AQSh memleketteri basshylarynyń sammitine qatysty, dep habarlaidy "Ult aqparat" Aqordanyń baspasóz qyzmetine silteme jasap.
Jiynda S5+1 seriktestigi arqyly ekonomika, energetika jáne qaýipsizdik salalarynda Ortalyq Aziianyń egemendigin, ornyqty damýyn jáne órkendeýin odan ári nyǵaitý úshin birlesip jumys isteý máselesi talqylandy.
Sammitte Memleket basshysy Qasym-Jomart Toqaev AQSh Prezidenti Djozef Baidennen keiin sóiledi. Sonymen qatar sharaǵa Qyrǵyzstan Prezidenti Sadyr Japarov, Tájikstan Prezidenti Emomali Rahmon, Túrikmenstan Prezidenti Serdar Berdimuhamedov, Ózbekstan Prezidenti Shavkat Mirziioev qatysty.
Kezdesý barysynda strategiialyq seriktestikti, saiasi dialogty, saýda-ekonomikalyq, investitsiialyq jáne gýmanitarlyq salalardaǵy yntymaqtastyqty odan ári damytý, sondai-aq Eýraziia qurlyǵyndaǵy beibitshilik pen turaqtylyqty saqtaý máseleleri jan-jaqty talqylandy.
Sammitte ekonomikalyq yntymaqtastyq máselesine, sondai-aq amerikalyq kompaniialardyń mańyzdy qazba bailyqtardy igerý, jańartylatyn energiia kózderi, óńdeý ónerkásibi jáne basqa da baǵyttardy damytý múmkindikterine basa mán berildi.
Budan bólek, pikirtalas barysynda qaýipsizdik problemalaryn, sonyń ishinde kiberqaýipsizdik, terrorizm, ekstremizm, zańsyz migratsiia jáne esirtki tasymaly sekildi qaýip-qaterlerdi sheshý úshin yntymaqtastyqty nyǵaitý perspektivalary qarastyryldy.
Qazaqstan Almaty qalasynda Ortalyq Aziia men Aýǵanstan úshin BUU-nyń Ornyqty damý maqsattary jónindegi aimaqtyq ortalyǵyn ashý isinde AQSh tarapynyń qoldaýyna senim artatynyn jetkizdi.
