Prezident Qasym-Jomart Toqaev memlekettiń basty mindetterin atady, - dep habarlaidy "Ult aqparat".
"Memlekettiń basty mindeti – otandastarymyzdyń igiligi men turmys sapasyn qamtamasyz etý. Ádil básekeni damytý, shaǵyn jáne orta biznesti qoldaý, memlekettik qoldaý sharalarynyń ashyqtyǵy – jańa ekonomikalyq baǵyttyń negizgi qaǵidalary", - dep jazdy ol Twitter-degi paraqshasynda.
Memleket basshysy Úkimet ulttyq valiýtanyń turaqty baǵamyn qamtamasyz etýge basymdyq berýge tiis ekenin de basa aitty.
"Teńgeni bekemdemei jáne infliatsiiany tómendetpei, ornyqty ekonomikalyq ósimge qol jetkizý, azamattardyń ál-aýqatyn arttyrý, investorlardyń senimine ie bolý múmkin emes", - dep jazdy Toqaev.
Odan bólek, Prezident óńirler arasyndaǵy damý alshaqtyǵyn eńserýge basa mán berý kerek ekenin eskertti.
"Jumyspen qamtý máselesin sheship, elimizdiń barlyq oblysynyń áleýmettik jáne mádeni damýyna jaǵdai jasaý kerek. Aimaqtarda sheteldik jetekshi joǵary oqý oryndarynyń filialdary ashylady", - dedi Memleket basshysy.
Sondai-aq, Toqaev «Qazaqstan Halqyna» qory týraly toqtaldy.
"Jalpyhalyqtyq «Qazaqstan Halqyna» qory azamattardyń naqty problemalaryn sheshýge qyzmet etedi. Qor sirek kezdesetin aýrýǵa shaldyqqan balalardy emdeýge kómektesip, áleýmettik jáne mádeni nysandardyń qurylysyn qarjylandyrady. Almatyny qalpyna keltirýge qarjy bólinedi" - dep qosty Prezident.
