Foto: Akorda.kz
Prezident «Memlekettik tehnikalyq qyzmet» aktsionerlik qoǵamyna bardy, dep habarlaidy "Ult aqparat" Aqordanyń baspasóz qyzmetine silteme jasap.
Mekeme qyzmetimen tanysý barysynda Memleket basshysyna Qazaqstan Respýblikasynyń aqparattyq qaýipsizdigin qamtamasyz etý isiniń qazirgi jai-kúii jáne qabyldanyp jatqan sharalar jóninde málimet berildi.
Prezidentke Aqparattyq qaýipsizdiktiń ulttyq úilestirý ortalyǵynyń, Telekommýnikatsiia jelilerin basqarý ortalyǵynyń, sondai-aq Kompiýterlik intsidentterge qarsy ulttyq áreket etý qyzmetiniń jáne Ziiandy kodty zertteý ortalyǵynyń jumys protsesi men nátijeleri tanystyryldy.
Prezidentke biyl 9 ai ishinde memlekettik organdardyń resýrstary men elimizdiń asa mańyzdy nysandaryna jasalǵan 163,4 million kibershabýylǵa toitarys berilgeni jóninde baiandaldy.
Qasym-Jomart Toqaev elimizdiń aqparattyq infraqurylymynyń turaqty qyzmetin qamtamasyz etetin jáne osy saladaǵy qaýipsizdikke tóngen kez kelgen qaterge tótep beretin mehanizmderdi damytý mańyzdy ekenin atap ótti.
Memleket basshysy atalǵan qyzmetti jetildirý máselelerine qatysty birqatar naqty tapsyrma berdi.
